Pese 65

Le Malamalama e,

ia e talia mai ia

La matou faafetai lenei,

i lou pupula mai.

Sa soli mai le saua

Sa tele ai le pogisa

O le lalolagi na nofo uma ai.

Le Malamalama e,

malie lou alofa;

Ua tafi ai le pogisa,

i lou afio mai

Ua e faaali tino mai

Le ala e savali ai.

O le ala tanu o loo o laulelei

Le Malamalama e,

ia suluia pea

I lena ala e ola ai

ua e faasino mai.

Ia e fesoasoani mai

E savavali tonu ai,

Ma le mulimuli i lau lava afio.

Le Malamalama e,

ia matou taunuu atu

I lou Ierusalema fou

o loo lalelei;

E le i ai se pogisa,

O loo pupula mai naua,

Aua lau afio ua fai mona la.