425 peses
Ina sauni atu ia Le faafetai ma faamanu I Le alofa mai O mai ia, ina punonou I Le na faia i tatou, Ma ifo atu ai O mea uma aoga Ua saunia mai luga I Lona malo fou. O mea ia e iloa ai O Lona lava alofa mai O tausi ai tatou Lenei ia usitai i ai. Ne’i tupu mai se faavaivai Ia i tatou uma nei. Ia faafetai ma faamanu I Lana pule filemu, Ua maua ai mea lelei
Ina vivii i tatou nei I Le na faia i tatou, O le Atua lava ia! Ia tatou faamanu i ai. Na tupu lava ia te ia O mea uma i luga: O mea foi i lalo nei, O ia na tuputupu ai. Na muamua lava ia, Leai se na ia tupu ai: E leai sona ulua’i, E soifua pea ia. Ia matata’u i tatou nei, Ia ifo foi ma mafaufau I Le o pule ia i tatou, Le tupu o le faavavau.
Le Alii e, ua faafetai, Ua lauiloa lou lelei, Ua faaalia tino mai, I mea uma ua e fai. O loo vivii i lau afio Le ‘au agelu i luga, Ma ou tagata o i ai, Sa tautiga i lalo nei Matou te faamanu ai nei I lou alofa tele mai: Na e auina mai Iesu, O Le na togiola mai.
Ia faafetai i Loo lelei O nuu atoa i lalo nei: O ia na tatou tupu ai, O ia na togiola mai. Le Atua e, ua tele mai O lou alofa e ola ai! Lou faamaoni e tumau: Ia viia ai oe e faavavau.
Le Alii e, le Atua e, Le fai mea e mafai Au galuega e lelei Matou te ofo ai. Le Tupu o le au paia e, Le tupu e ola ai, E tonu ma ua mausali O au mea na e fai. O ai se na te le mata’u I lou mata’utia? O lou suafa Le Alii e, O ai se le vivii. E o mai uma atunuu, E ifo ia te oe: Aua lou malo filemu Ua faatuina mai.
Vivii ia i tatou nei, Ia tatou faafetai I le Alii o Le lelei, O Le faaola mai O lana afio, na o ia, E pule i luga Ua ia faatu i lalo nei Le malo aoga. O lona malo filemu E ola ai faavavau, Ua faatuina e Iesu E malu ai tatou
Mamao! mamao! lou nofoalii Le Alii e, e mamao! A mafaufau i ai a’u nei I lo ta va ma oe Ua faanenefu ia te a’u Ua faigata na’ua E le iloa o’u mata nei I lou pupula mai: A e ui i lea, ua faafetai, Ua latalata mai O lau Afio ia te a’u, Ua e tausia mai. O mea mamana ua e fai, Ua leo tele mai: Le vasa tele faigata; Matagi ma afa; O mea na ua iloa ai O lou mata’utia Lou si’ufofoga, Le Alii e, Ua ou faalogo ai I faititili ua pa mai Ua ou mata’u ai; Le uila foi ua fai e oe, E avea au feau. O lou masina, ma le la. Atoa le vao fetu Ua fepulafi pea mai, Ua taufaailoa ai Lou poto lava ua fai ai, Ua silisili lea. A e le gata ai i mea faapea Ua ou iloa ai oe; O lou Agaga ua aumai E faaalia mai Lou Alo pele ia te a’u, Ia ou iloa ai oe Ina afio tumau mai O lou Agaga Sa, E faailoa ia te a’u Mea uma a Iesu Ia ou foliga ai ia te ia, Ma ou iloa ai oe.
E lelei o mea uma A le Alii na ia fai; O loo tumu ai le lagi, Ma le lalolagi nei Faafetai ia! Faafetai i Loo lelei. Ua iloa ai lona mana, Mona ua pupula mai Le alofa ma le poto Ua na fai ai mea na. Faafetai ia! Faafetai i Loo lelei. Lana afioga mana Ua matua tumau ai Mea ia uma lava, Talu ona mua’i fai. Faafetai ia! Faafetai i Loo lelei. Lana pule ua iloga ai Ona po e i’u ai Mea uma e vaaia, Pei se ofu ua taai. E viia ai Lana pule aoao.
Le galuega a le Alii Na amata ona fai, Na vivii ai agelu, Sa taufaipepese mai. Le Faaola na viia, Ina ua afio mai; Sa taalili foi viiga I lona afio i luga O le a mavae le lagi Atoa mea uma na, E viia ai le Atua, E le aiga i luga. Na te toe fai le lagi, Ma le lalolagi fou, E faafou mai ai viiga, E sauni e i latou. E nonofo ea tagata. Pe le vivii i tatou? Leai; e fia fai viiga E ua ola ia Iesu. E fiafia i viiga, A o mau i lalo nei; A e faanaunau atu lava I viiga i luga. Ia viia le Faaola Ia matua faamanu, Ia faasilisiliina Le suafa o Iesu. Le suafa e viia, I luga e faavavau, E agelu ma tagata. I viiga e tumau.
Ia viia le Atua, Ua na fetalai mai Ia tutupu mea uma, Ma na faatumauina ai. Lana afioga mana Ua tausia pea mai Mea uma ua na faia, Ua faasaogalemuai. E viia ai lana pule, O le pule e tumau, E lelei ai mea uma, E lelei e faavavau. A ia faafetaia lava Lona alofa fua mai. I tagata agasala Ia magalo, ma ola ai. Ia viia le Atua, Le alofa tele mai Ia faatasi ma agelu, I le pese faafetai.
O Lou mamalu le Alii e, E silisili lea; O lou pupula tele mai, O ai se na te iloa ai, Ma ola pea ia? Le ‘au agelu i luga Latou te vaavaai I lea mamalu faigata, Aua o i latou e mama, O i latou e paia. A o a’u nei, ua ou pa’u Ua te’a ma lau Afio; Pe ou te toe sao faapefea I luma o lou nofoalii. Ma ou iloa ai oe? Le ala fou ua avanoa, E sao ai a’u i ai: Le togiola o Iesu Ma lona fautua i luga Ua ou iloa ai oe. O lou alofa le Alii e, Ia ou mamalu ai, Fesoasoani ia te a’u Ma faamama lo’u loto nei, Ia ou iloa ai oe.
Le Alii e, Le Alii e, Le Atua mamalu oe. Lou malosi ma lou mana E matua ese ia; Ae maise lou alofa Ua faaali tino mai, Ia viia i le lagi, Ma le lalolagi nei. Ua viia lou suafa, E agelu i luga; O kerupi ma serafi E ua faia au feau; Atoa ma le ‘au paia, E ua taunuu atu ai, Ua latou vivii pea, Ia te oe e faavavau. O lenei ua matou sauni Le viiga ia te oe, Ona o au mea mamana Ua iloa i lalo nei. Ae maise lou alofa Ua tausia ai i matou, Ma le togiola moni Ua aumaia e Iesu.
Lo matou Atua e, le Alii mamana Silasila mai ia, ma faafofoga mai; Lo matou Atua e, o le Tolu-Tasi, Oe le Tama, le Alo, le Agaga. Lo matou Atua e, oe o le Paia, O agelu uma latou te ifo ai; O le ‘au paia ua faaolaina Latou te fai la latou faafetai. Lo matou Atua e, oe o lo o lilo, E le iloa atu ai se tasi ia te oe; Oe o lo o sili, e atoa lou mana, Ma lou lelei, ma lou alofa mai. Lo matou Atua e, le Alii mamana, le lalolagi ma lagi i luga, E saga viia ai lau lava afio, Oe le Tama, le Alo, le Agaga.
Lo matou Tama e, Le o i le lagi, O lou finagalo o faia i luga, Ia faapea lava i le lalolagi; Aua ua tonu ma lelei naua. Ua e finagalo ia ola tagata; Faafetai lau pule, ia taunuu lena; Ia sao uma lava o le lalolagi Nai le na pule ia faatauga Ua e finagalo ia faatuatua I lou Alo pele na e auina mai, E malie lava, ina faia lea; Ia talitonu uma ma ola. Ua e finagalo ia faapaia Ou tagata uma ia faapei o Iesu: Faafetai lea pule, faafetai alofa; Ina foliga ia te ia latou! Ina faia lava o lou finagalo. E tagata uma lo matou nei Tama e, Aua le aunoa ona faia atoa, Ia faia lava e pei o i luga!
Lo matou Tama e, Faafofoga mai I la matou nei viiga, E auai ma au agelu, I le faafetai E vivii ai. Le Alii Iesu O le faamanu O la matou lea taulaga, Ia te oe le faitoaga, Pule tasi oe Ia i matou nei Le Agaga Sa e, Ua galue oe; O lou mana ua mafaia Ona maua ai nei le ola, Ia talia mai Lenei faafetai. E! fia faamanu. E! fia faafetai, Ia te oe le Tolu-Tasi- Le Tama e, le Alo pele, Atoa lau Afio Le Agaga Sa e.
Lo matou Tama Le o i luga, Ua sauni i ou luma E le ‘au agelu uma, Ma le leo malie, Viiga ia te oe. Faafofoga mai A o taumafai I matou i ni viiga E tatau ma lou alofa: A e le mafai Pese e tusa ai. Le Alii Iesu Le faaola mai Faafetai i lou alofa Na maliu ai oe ma sui; Lou maliu tiga Ua ola ai matou. E! fia maua nei, Leo e malilie, Pei o leo o agelu, E saunia ai viiga E tatau lelei, Ma le le pona. A ua faafetai, Lou alofa mai, E te talia ai viiga Ua saunia ma le loto, O lenei le Alii, Faafofoga mai.
E le tutusa le Alii Viiga a matou. Ma ou viiga e lelei, O faia i luga. A e faia lava atali Viiga e tatau Pe a aulia i matou Le ola faavavau. A o viiga o fai nei E faamasani ai, E tauvivii e faavavau I lou alofa mai. Matou te faafetai ai nei, Matou te faamanu, Ae fai viiga e lelei, I luma o Iesu:- I luma lava o Iesu, I lou maota sa, Ua aofia ai le ‘au paia Sa puapuaga. A latou pese fou ua fai O tauvivii ai Ua peiseai e tele vai O loo taalili mai. Matou te auai i lena Ua faanaunau i ai; E pese pea le pese fou I lou alofa mai.
O Lou alofa le Alii e, O lou alofa mai, Matou te faamanu ai nei, Matou te faafetai. Malie pule, faafetai Matou te faamanu I lou alofa fua mai, Ua ala ia Iesu. O lona maliu loo ua fai Ma tai e lafo i ai A matou agasala nei Ia le toe manu mai. E silisili ese oe I lou le taui mai, I agasala ma sese A matou nei ua fai. Ua silisili ese oe, Ua alofa faapena; Ua faamagalo fua mai, Ua seu le toasa. Ua silisili ese oe, Ua alofa faapenei, Ua e faaola ia i matou Sa agamasesei.
O mai ia, tatou faafetai Vivii i Loo lelei; O lona alofa e ola ai Le lalolagi nei. E silisili ese ia, O le Alii ia o ‘au E ona foi le malo nei, E tumau faavavau. Lenei, ia tatou faamanu I lona alofa mai, Ua aumai ai le malo nei, Ua tatou malu ai. Ia tatou talitonu nei, Ma olioli ai, I lenei malo e lelei, Le malo e ola ai.
Ua alofa mai le Alii, Ua ia faaola mai; Ia fai ai nei le pese, Ia tatou faafetai. Ia faataufaafetaia Le Alii le Tama Ma lona Alo pele, Ma lona Agaga Sa. Ua auna’i mai le Alo Ma sui o pagota, Aua ua finagalo Alofa le Tama Ua alofa mai le Alo, Aua na ofo ai E fai ma togiola E faamagalo mai. Ua alofa le Agaga, Aua ua taumafai Ia tatou gau alofa I Le faaola mai Fai ia la tatou pese, Sei tatou faafetai; Ua silisili ese Lenei alofa mai.
O ai ea e iloa Le mea e gata ai, Le Alii e, le Atua, O au mea ua e fai? O au sauniga sili I lou faaola mai Na osia i le lagi Po o ai e iloa ai? O mea e tutupu O mea faigata O ai ea ua iloa Pe tupu i se a? Le Alii e, lo’u Atua, Ua ou iloa lenei; Ua faia mea uma E oe, ia i’u lelei. Lou finagalo tonu Ma lou alofa mai, Ua fai ma mafuaaga O mea atoa ua fai. Ua faafetai lau pule Malie au mea ua fai; Ia ou fiafia ai tele Ma ou filemu ai.
Matou te fia sauni nei La matou pese faafetai, I lou mamalu, lou lelei, O oe o Le alofa mai. Ia e feasoasoani mai E fai viiga e tatau I mea mamana e te fai, Ma lou alofa faavavau. Ua faia nei le faafetai I lou auina mai Iesu, Ma lona maliu e ola ai I matou nei e faavavau E! Le Alii e, ua faafetai, E sili lou fai mea lelei; Au togafiti ua e fai E ola ai uma matou nei. Malie pule, faafetai I lou alofa le Tama e, Ua faafetai taulia mai E oe, lo matou Faaola e.
Sauni atu tatou nei Le faafetai i Loo lelei; O lona alofa e tumau, E le liliu e faavavau. O ia ua tausi pea mai, Ma leoleo ia i tatou’ O lona alofa ua tumau, E le liliu e faavavau. Ua ia fesoasoani mai I e tiga ma e vaivai O lona alofa ua tumau, E le liliu e faavavau. Na ia auina mai Iesu, E lavea’i ia te i tatou: O lona alofa ua tumau, E le liliu e faavavau. Lenei, ia tatou faafetai, I Le ua alofa tele mai; Ia faamanu ma mafaufau I lona alofa faavavau.
Ia pepese tatou nei Faamanu ma faafetai I le Alii o Loo lelei, Ua na alofa tele mai; Ua auina mai Iesu, Ia magalo ai tatou. O le mea e ofo ai Lona alofa fapenei Ua na le faasaoina ai. Lona Alo o loo lelei. Ina ia magalo ai Tatou uma ma ola ai. Sa matua faigata Ona fai le faalelei Ia ola ai le pagota Ia gata ai le masesei; A ua faia, ua mafai Ia Iesu na afio mai. E le fano so latou. E o talitonu ai; E ola ai e faavavau. Talu lona afio mai, E magalo i latou I le maliu o Iesu.
Ia pepese faafetai I Le togiola mai; O le maliu o Iesu E magalo ai i tatou Lona alofa tele mai Na na afio ifo ai, Ia gata ai le masesei A ia fai le faalelei. E lelei ai nei tatou, E maua ai le loto fou; Lona puapuaga Tatou sao ai i luga. O le mea e ofo ai Lona alofa tele mai; Ina tatou faamanu I le maliu o Iesu.