Pese 419

Ia outou pepese atu i le Alii i le pese fou; Aua o vavega na na faia: O lona aao taumatau, o lona lava aao paia Ua ia fai ai le olataga.

Ua faailoa mai e le Alii O lana lava faaolataga; Ua ia faaalia lana amiotonu I luma o nuu ese.

Na ia manatua lona alofa ma lona faamaoni I le aiga o Isaraelu; Ua iloa e tuluiga uma o le lalolagi Le olataga mai lo tatou Atua.

Ia alalaga i le Alii Le lalolagi uma; Ia leo tele lava, Ma ia alalaga fiafia, ma ia fai pesega.

Ia outou fai pesega i le Alii i le kitara; O le kitara ma le leo o le pese O pu ma le leo o le sofao Ia outou alalaga ai i luma o le Alii le Tupu.

Ia taalili le sami Atoa ma mea ua tumu ai O le atulaulau Atoa ma e o nonofo ai.

Ia patilima vaitafe, Ia alalaga faatasi ai mauga ma le fiafia, I luma o le Alii; Aua o loo afio mai o ia e faamasino le lalolagi.

Na te faamasino Le atulaulau Ma le amiotonu Atoa ma nuu i le tonu.